ಬರೆಯ ಬೇಕಿದೆ ನಾ ಒಂದು ಕವಿತೆ

ಬರೆಯ ಬೇಕಿದೆ ನಾ ಒಂದು ಕವಿತೆ
ಕಲ್ಲು ಕರಗಿ ನೀರಾಗುವ ಕವಿತೆ
ಕನಸ ಕದವನು ತಟ್ಟುವ ಕವಿತೆ
ಕಹಿನೆನಪ ತಿಳಿನೀರ ಕದಡಿದ ಕವಿತೆ
ಕೊರಳ ಹಿಂಡುವ ಭಾವುಕ ಕವಿತೆ
ಚಿತ್ತವ ಕಲಕುವ ಕೊರಗಿನ ಕವಿತೆ
ಪ್ರೀತಿಯ ಪ್ರಣತೆಯ ಹಚ್ಚಿದ ಕವಿತೆ
ಒಲವಿಗೆ ಒಲಿಯದ ಒಲವಿನ ಕವಿತೆ
ಸೊರಗಿದ ಮನಸಿಗೆ ಮರುಗುವ ಕವಿತೆ
ಸತ್ತರು ಸಾಯದ ಜೀವಂತ ಕವಿತೆ
ಅರ್ಥವಾಗದ ಅರ್ಥಪೂರ್ಣ ಕವಿತೆ
ಅಯ್ಯೊ.. ಪದಗಳು ಸಿಗದೆ ಸೊರಗಿದೆ ಕವಿತೆ
ಪದಕೋಶದಲೂ ಪದಗಳ ಕೊರತೆ
 ಕಟ್ಟಲಾಗದೆ ಕವಿತೆ ಕಡೆಗೂ ಸೋತೆ
//ನಂದಿನಿ//