ಸೊಸೆ ಬೇರೆ ಜಾತಿ ಆಗಿರ್ಬಹುದಂತೆ, ಆದ್ರೆ ಅಳಿಯ ಬೇರೆ ಜಾತಿ ಆಗಿರ್ಬಾದಂತೆ, ಕೇಳ್ರಾಪ್ಪ ಕೇಳೆ ಇದು ಗಂಡು ಮಕ್ಕಳಿಲ್ಲದ ಪೋಷಕರ ಮಾತುಗಳು

ನನ್ನ ಗೆಳತಿಯೊಬ್ಬಳಿಗೆ ವರಾನ್ವೇಷಣೆ ನಡೀತ ಇತ್ತು, ಸುಮಾರು ೯ ವರ್ಷದ ಗೆಳೆತನವಾದ್ದರಿಂದ ನಮ್ಮ ಮನೆಯವರಿಗೂ ಅವಳ ಪರಿಚಯವಿದೆ , ಅವಳಿಗಾಗಿ ಒಬ್ಬ ಒಳ್ಳೆ ಗಂಡು ನೋಡಬೇಕಾಗಿ ಅಪ್ಪನಿಗೂ ತಿಳಿಸಿದ್ದೆ. ಹೀಗೆ ಅವಳ್ಳೊಮ್ಮೆ ಮನೆಗೆ ಬಂದಾಗ ಈ ಮಾತು ಪ್ರಸ್ತಾಪವಾಯಿತು. ನನ್ ಗೆಳತಿ ಹೇಳಿದ್ಲು "ಅಂಕಲ್ ಎನ್ಮಾಡೋದು ನಮ್ಮಲ್ಲಿ ಗಂಡ್ ಮಕ್ಕಳು ಕಡಿಮೆ ,ಗಂಡು ಸಿಗೋದು ತುಂಬಾ ಕಷ್ಟ , ಅದ್ರಲ್ಲೂ ಓದಿರೋ ಗಂಡು ಸಿಗೋದೆ ಇಲ್ಲ"
ಅಮ್ಮ: ನೀನೇನ್ ಬಿಡು ಒಳ್ಳೆ ಹುಡುಗಿ, ಸೈಲೆಂಟ್ ,ಓದಿದ್ದೀಯ ಒಳ್ಳೆ ಹುಡುಗಾನೆ ಸಿಕ್ತಾನೆ,
ನಮ್ಮ ಅಪ್ಪ ಇನ್ನೊಂದು ಹೆಜ್ಜೆ ಮುಂದಿ ಹೋಗಿ, ನಾನ್ ಪರಿಚಯ ಇರೊರ್ ಹತ್ತಿರ ವಿಚಾರಿಸಿ ಹೇಳ್ತೀನಿ ಬಿಡಮ್ಮ ನೀನೇನ್ ತಲೆ ಕೆಡಿಸಿಕೊಳ್ಳಬೇಡ, ನಿನ್ನಂತ ಒಳ್ಳೆ ಹುಡುಗಿಗೆ ಗಂಡು ಸಿಗಲ್ವಾ ನಿಜ ಹೇಳ್ತೀನಿ ನಮ್ ನಂದಿನಿ ಏನಾದ್ರೂ ಗಂಡ್ ಮಗ ಆಗಿದ್ರೆ ನಿಂಗೆ ಕೊಟ್ಟು ಮದ್ವೆ ಮಾಡ್ತಿದ್ದೆ.
ಅ ಪೆದ್ದು ಪುಟ್ಟಿ ಹೋ!! ಹೌದಾ ಅಂಕಲ್ ಥ್ಯಾಂಕ್ಯು ನೀವು ನನ್ನ ಮೇಲೆ ಇಟ್ಟಿರೊ ಅಭಿಮಾನಕ್ಕೆ ಅಂತು.
ನಾನ್ಗ್ಯಾಕೊ ರೇಗೋಯ್ತು . ಆ ಹಾ ಏನ್ ಚೋಡ್ತಿಯಣ್ಣಾ, ಈ ಡವ್ ಎಲ್ಲಾ ಮಾಡ್ಬೇಡಾ
ನೀನು ಜಾತಿ ರಾಮಾಯಣ ಮಾಡೋರು ನೀವು ಜಾತಿ ಅಡ್ಡ ಬರಲ್ವಾ ?
ನೋಡ್ ಕೂಸು ಈ ಜಾತಿ ಗೀತಿ ಎಲ್ಲಾ ಏನು ಇಲ್ಲ ಎಲ್ಲಾ ಒಂದೇ ಜಾತಿ ಮನುಷ್ಯ ಜಾತಿ
(ನಾನು ವ್ಯಂಗ್ಯವಾಗಿ) ಹೋ ಹೌದಾ ? ಹಾಗಾದ್ರೆ ನಾನು ಒಂದ್ ಹುಡಗನ್ನ ಪ್ರೀತಿ ಮಾಡ್ತೀನಿ ಮದ್ವೆ ಮಾಡ್ಸು ಮತ್ತೆ, ಆವಾಗ್ ಒಪ್ಪ್ತೀನಿ ನಿನ್ ಮಾ............ತ್ನಾ...........
ಅಪ್ಪ ಅಮ್ಮ ಇಬ್ಬರ ಮುಖದಲ್ಲೂ ಒಂದು ದೊಡ್ಡ ಎ‌ಕ್ಸ್ಲಾಮೇಟರಿ ಮಾರ್ಕ್!!!
(ಅಮ್ಮ ಮತ್ತೆ ನನ್ನ ಗೆಳತಿ ಜೋರಾಗಿ ನಗೋಕೆ ಶುರುಮಾಡಿದ್ರು ) ನಮ್ಮಮ್ಮ : ಅದಕ್ಕೆ ಹೇಳೋದು ಹೋಗಿ ಹೋಗಿ ಇವ್ಳ್ ಜೊತೆ ಮಾತಿಗಿಳಿತೀರಾ? ಅದೇನೋ ಹೇಳಿ ಈಗಾ....
ಹ್ಮ್ ಹ್ಮ್ ಹೇಳು ಹೇಳು ಏನ್ಮಾಡ್ತೀಯಾ ? ಇವತ್ತ್ ಹೇಳಿದ್ ಮಾತು ಮತ್ತೆ ಉಲ್ಟಾ ಹೊಡಿಬಾರ್ದು ??
ಅಪ್ಪ: ಅದೂ ............... ಅದ್ ಬೇರೆ ಇದ್ ಬೇರೆ
ವೋ.......... ಅದ್ ಹೆಂಗೆ?
ಅಪ್ಪ: ನಮ್ಮನೆ ಸೊಸೆ ನಮ್ ಮನೆ ಮಗಳು ಇದ್ದಂಗೆ ಮದ್ಪೆ ಆಯ್ತಾ? ಆಮೇಲೆ ನಮ್ಮಂತೆ ಮತಾಂತರ ಮಾಡಿ ದೇವಸ್ಥಾನಕೆ ಹೋಗಿ ದೀಕ್ಷೆ ಕೊಡಿಸಿ ಕರ್ಕೊಂಡ್ ಬಂದ್ರೆ ಆಯ್ತು, ಆದ್ರೆ ಮಗಳಂದ್ರೆ ಆ ಮನೆಗೆ ಹೋದ್ ಮೇಲೆ ಅವರಂತೆ ಇರ್ಬೇಕಾಗುತ್ತೆ. ಮತ್ತೆ ಈ ಮನೆಗೆ ಬಂದ್ರೆ ಎಲ್ಲಾ ಓಕ್ ಮಾಕಳಿ
ಹ್ಮ್ ಹ್ಮ್ ಅಂದ್ರೆ.......... ಮಗಳು ಸತ್ರು ಸೊಸೆಯಲ್ಲಾದ್ರೂ ನಿಮ್ಮ್ ಜಾತಿ ಉಳಿಸಿಕೊಳ್ಬೇಕು ಅಂತಾನಾ? ನಿಮ್ಗೆ ಗಂಡ್ ಮಗ ಇಲ್ಲ ಅನ್ನೊ ಕಾರಣಕ್ಕೆ ಈ ಮಾತು ಹೇಳ್ತಾ ಇದ್ದೀರಾ ಇಲ್ಲಾ ಅಂದ್ರೆ ಬೇರೇನೆ ಡೈಲಾಗ್ ಹೋಡಿತಾ ಇದ್ರು ಅಲ್ವಾ?
ಅಪ್ಪ ಅಷ್ಟೊತ್ತಿಗೆ ಏಯ್ ಟೈಮ್ ಆಯ್ತು ಹೋಗ್ ಬಸ್ ಸ್ಟಾಪಿಗ್ ಬಿಟ್ಬಾ ಲೇಟ್ ಆದ್ರೆ ಅವ್ರ್ ಮನೇಲ್ ಬಯ್ಯ್ಕೋತಾರೆ
ಆಯ್ತ್ ಬಿಡಪ್ಪ ತಂದೆ ಮಾತು ಮರೆಸ್ ಬೇಡಾ ಹೋಗ್ತೀನಿ, ಬೇರೇಯವ್ರ್ ಮಕ್ಕಳಿಗೆ ಮದ್ವೆ ಮಾಡುವಾಗ ಜಾತಿ ಅಡ್ಡ ಬರಲ್ಲ ಅದೇ ತಮ್ಮ ಮಕ್ಕಳಿಗೆ ಅಂದ್ರೆ ಹಿಂಗೆ, ಅಂತ ಹೋರ್ಟ್ವಿ
ನನ್ ಪ್ರೆಂಡ್ : ನಿಂಗ್ ಎಷ್ಟು ದೈರ್ಯ ಇದ್ರೆ ನಿಮ್ಮಪ್ಪನ ಎದ್ರು ಇಷ್ಟು ಮಾತಾಡ್ತೀಯಾ?
ಏ ಸುಮ್ನಿರು ಮಗ ಹೇಳಿದ್ ತಕ್ಷಣ ನಾನೇನ್ ಓಡೋಗ್ ಬಿಡ್ತೀನಾ? ಅವ್ರೂ ಪ್ರಾಕ್ಟಿಕಲ್ ಆಗಿ ಯೊಚ್ನೆ ಮಾಡ್ಲಿ ಅಂತ ಹೇಳ್ದೆ ಇದು ನಮ್ಮನೇಲಿ ಕಾಮನ್ ಆವ್ರು ಏನು ತಿಳ್ಕೋಳಲ್ಲ.
ಅಪ್ಪ ಈ ವರೆಗೂ ತುಂಬಾ ಮದುವೆ ಮಾಡಿಸಿದ್ದ್ದಾರೆ ಅದರಲ್ಲಿ ಅಂತರ್ಜಾತೀಯ ವಿವಾಹಗಳು ಇವೆ ಆದ್ರೂ ಅವ್ರ್ ಮಕ್ಕಳು ವಿಷಯ ಬಂದ್ರೆ ಸೆನ್ಸಿಟೀವ್ ಆಗ್ತಾರೆ ಹ್ಮ್.......... ಏನು ಮಾಡೋಕಾಗಲ್ಲ.... ಈ ಜಾತಿ ಭೂತ ಅಷ್ಟು ಸುಲಭವಾಗಿ ಬಿಟ್ಟು ಹೋಗೋದಿಲ್ಲ. ಅಲ್ವಾ?