ಬಾಬಾರೊ ಸೂರ್ಯ ನನ್ನ ಮನಮುಗಿಲಿಗೆ

ಬಾಬಾರೊ ಸೂರ್ಯ  ನನ್ನ ಮನಮುಗಿಲಿಗೆ
ನೀನಾದೆ    ಸ್ಫೂರ್ತಿ  ನನ್ನ   ಕವಿತೆಗೆ
ಬರೆಯಲಾರೆನು ಇನ್ನು ಈ ವಿರಹಗೀತೆ
ಗಂಟಲು ಬಿಗಿದಿದೆ ಬರದಿನ್ನು ಮಾತೆ
 ಬಾಬಾರೊ ಸೂರ್ಯನೆ ನನ್ನ ಮನಮುಗಿಲಿಗೆ 

ನಿನ ನಗೆಯ ಅಲೆ ಇಂದು, ನನ್ನ ಬಂಧಿ ಮಾಡಿದೆ
ಅಲೆಯಲ್ಲ ಅದು ಪ್ರೀತಿ  ಬಲೆಯೆಂದು ಹೇಳಿದೆ
ಕಣ್ಮುಚ್ಚಿ ಕೊಂಡರು ನಿನ  ರೂಪ ಮೂಡಿದೆ  
ನನ್ನನ್ನು ಕಾಡಿದೆ    ನನ್ನನ್ನು ಕಾಡಿದೆ
ಬಾಬಾರೊ ಸೂರ್ಯನೆ ನನ್ನ ಮನಮುಗಿಲಿಗೆ  

ನಿನ್ನ ಪ್ರೀತಿ ಹರಸಿ, ಮನ ನಲುಗಿ ಹೋಗಿದೆ
ಕಣ್ಣಿರು ಸುರಿಸಿ  ನಾನೊಂದು ಹಾಡಿದೆ
ನಿನ್ನ ಎದೆಯ ಗೂಡಲ್ಲಿ ನೆಲೆಯೊಂದ ಬೇಡಿದೆ
ಎಷ್ಟು ಕೂಗಿದರು ಬರದಾದೆ ಏಕೆ ಬರದಾದೆ ಏಕೆ
ಬಾಬಾರೊ ಸೂರ್ಯನೆ ನನ್ನ ಮನಮುಗಿಲಿಗೆ