ಭವಸಮುದ್ರ

ಭವಸಮುದ್ರದ ಆಳಕೆ ದುಮುಕಿ
ನಿನ್ನ ಪ್ರೀತಿಯ ಮುತ್ತನು ಹುಡುಕಿ
ಮುತ್ತಿಗೆ ಮುತ್ತಿನ ಮಾಲೆಯ ಹಾಕಿ
ಮಾಡಿಕೊ ನಿನ್ನ ಪ್ರಾಣ ಸಖಿ
ಬದುಕ ದೋಣಿಗೆ ಒಲವ ಹುಟ್ಟು ಹಾಕಿ
ಸಾಗಿರಲು ಜೀವನ ಯಾರುಂಟು ನಿನಗೆ ಸರಿ ಸುಖಿ?

ನಾನಾಗಲೇನು ಆ ಪ್ರೀತಿ ಮುತ್ತು
ಕಾಯಲಾರೆನು ಇನ್ನು ನಾ ಹೆಚ್ಚು ಹೊತ್ತು
ಸತ್ಕರಿಸು ನನ್ನ ಸಮ್ಮತಿಯನಿತ್ತು 
ಕನಸುಗಳ ತುಂಬೆಲ್ಲ ನಿನ್ನ ನೆನಪುಗಳ ಬಿತ್ತು
ಕಾಯುವ ಕಣ್ಣಿನ ಕಾತುರ ಕರಗಿಸಿ
ಕತ್ತಲು ಕವಿದ ಮನವ ಬೆಳಗಿಸಿ
ಮೌನ ಮುರಿಯದೆ ಮಾತನಾಡಿಸಿ