ನನ್ನ ಬಾಳ ನೇಸರ

ಹೃದಯ ಮಂದಿರದಿ ಕುಳಿತ ಹೂಮನಸ ಹೂಗಾರ

ಹೆಜ್ಜೆಗೆ ಹೆಜ್ಜೆಯನಿಡು  ನೀ   ಸಪ್ತಪದಿಯ ಜೊತೆಗಾರ  

ಒಲವ ಉದಯವನಿತ್ತ ನನ್ನ ಬಾಳ ನೇಸರ

ನೀ ಕೊಟ್ಟ ಕಾಲ್ಗೆಜ್ಜೆಯೂ  ಕನವರಿಸಿದೆ ನಿನ್ನ ಹೆಸರ 

ಏಕೋ ಕಾಣೆ ಈಗೀಗ ಹೆಚ್ಚಾಗುತಿದೆ ನಮ್ಮ ನಡುವಣ ಅಂತರ 

ಅರಿಯದ ಅಂತರ ಮನಸಲಿ ಮೂಡಿಸಿದೆ  ಮುಗಿಯದ ಬೇಸರ

ನೀನಿಲ್ಲದೇ ಈ ಗಾಳಿಪಟಕೆ ಉಳಿವುಂಟೇ ಹೇಳೋ ಪ್ರಿಯಕರ ?  

ಮೌನವ ಮುರಿದು ವಿಚಾರ ಮಾಡಿ ನೀಡು ಬಾರೋ ಉತ್ತರ


ಕನಸ ನನಸು  ಮಾಡೋ ಮನಸು ಮಾಡು ಮನಸಚೋರ
ತಂದಿರುವೆ ನಿನಗಾಗಿ ಅಕ್ಕರೆಯ ಅಪರೂಪದ  ಅಕ್ಷರಮಾಲೆ 

ಕರುಣೆಯ ಕರಿಮಣಿಗೆ ಅಕ್ಕರೆಯ ಸಕ್ಕರೆ ಮಣಿಯ ಪೋಣಿಸಿ
ತೊಡಿಸೆನಗೆ ಸಂಪ್ರೀತಿಯ ಸಂಭಂದಮಾಲೆ
ಕರಿಮಣಿಯೇ  ನಾಚಿ ಹವಳವಾಗುವಂತೆ 

//ನಂದಿನಿ//